Madridning «Atletiko» klubi hujumchisi Alvaro Morata ispan grandi bilan hamkorlikni davom ettirishga yaqin turibdi.
Taniqli jurnalist Fabrisio Romanoning yozishicha, «matraschilar» rahbariyati Ispaniya terma jamoasi futbolchisiga 2027 yilning iyuniga qadar amal qiladigan yangi shartnoma taklif qilgan.
Alvaroning «Atletiko»da qolish qaroriga jamoa bosh murabbiyi Diyego Simeone bilan bo‘lgan suhbat ta’sir qilgan.
Eslatib o‘tamiz, Morata «Yuventus»da ikki yil ijarada o‘ynaganidan so‘ng 2019 yilda «matraschilar» safiga qo‘shilgan edi. 30 yoshli hujumchi 20 million yevroga baholanmoqda.
