"Manchester Siti" yarim himoyachisi Jek Grilish "Arsenal" himoyachisi Aleksandr Zinchenkoga nisbatan qo‘pol hazil qildi.

"Kanonirlar"ning ukrainalik himoyachisi Angliya Superkubogi uchun o‘yinni o‘tkazib yubordi, chunki u o‘tgan mavsum oxirida olgan jarohatidan tiklanishda davom etmoqda. Biroq, albatta, Aleksandr Zinchenko stadionda bo‘lib, jamoadoshlarini qo‘llab-quvvatlagan.

Har ikki klub futbolchilari maydonga tushishi bilan ukrainalik futbolchi to‘xtab, “Manchester Siti” darvozaboni Ederson bilan suhbatlashib turgandi. Ikkala o‘yinchi ham gaplashayotganida Jek Grilish Zinchenkoni qo‘pol ravishda turtib yubordi. Zinchenko sobiq jamoadoshining qo‘pol hazilini tushunmadi va javoban angliyalik futbolchini turtib qo‘ydi.

Eslatib o‘tamiz, 90 daqiqada "Arsenal" va "Manchester Siti" 1:1 hisobida durang o‘ynab, o‘yinning asosiy vaqtida g‘olib jamoa nomi aniqlanmadi. "Kanonirlar" Gvardiola shogirdlarini penaltilar seriyasida mag‘lub etib, Angliya Superkubogini qo‘lga kiritdi.