"Манчестер Сити" ярим ҳимоячиси Жек Грилиш "Арсенал" ҳимоячиси Александр Зинченкога нисбатан қўпол ҳазил қилди.

"Канонирлар"нинг украиналик ҳимоячиси Англия Суперкубоги учун ўйинни ўтказиб юборди, чунки у ўтган мавсум охирида олган жароҳатидан тикланишда давом этмоқда. Бироқ, албатта, Александр Зинченко стадионда бўлиб, жамоадошларини қўллаб-қувватлаган.

Ҳар икки клуб футболчилари майдонга тушиши билан украиналик футболчи тўхтаб, “Манчестер Сити” дарвозабони Эдерсон билан суҳбатлашиб турганди. Иккала ўйинчи ҳам гаплашаётганида Жек Грилиш Зинченкони қўпол равишда туртиб юборди. Зинченко собиқ жамоадошининг қўпол ҳазилини тушунмади ва жавобан англиялик футболчини туртиб қўйди.

Эслатиб ўтамиз, 90 дақиқада "Арсенал" ва "Манчестер Сити" 1:1 ҳисобида дуранг ўйнаб, ўйиннинг асосий вақтида ғолиб жамоа номи аниқланмади. "Канонирлар" Гвардиола шогирдларини пенальтилар сериясида мағлуб этиб, Англия Суперкубогини қўлга киритди.