Bugundan Osiyo klublari o‘rtasidagi yangi mavsum rasman start oladi. Bu esa OFK klublari reytingi muntazam yangilanib boriladi degani.

Mavsum yakunidagi joriy reyting 2025-26 yilgi mavsum uchun kvotalarning mamlakatlar o‘rtasida taqsimlanishini belgilaydi. O‘zbekistonning esa ushbu reytingda kamida to‘rtinchi o‘ringa qaytishi qiyin.

Ayni damda to‘rtinchi o‘rindagi BAAdan 13 ochkodan ko‘proq ortda qoldik. Ularni bir mavsumda jamg‘arish juda qiyin bo‘ladi. Shu bois 2025-26 yilgi mavsumda xalqaro maydonda O‘zbekiston sharafini faqat ikkita klub himoya qiladi.

Shuni ta’kidlash kerakki, reytingdagi to‘rtinchi o‘rin ham OFK turnirlarida to‘rtta klubni maydonga tushirishga imkon bermaydi. BAA masalan, elit turnirda 1 ta, pley-offda 1 ta va Chempionlar ligasida 1 ta klub bilan ishtirok etadi.