Turinning "Yuventus" klubi Londonning "Chelsi" jamoasi bilan hujumchilar almashinuvi borasida muzokaralarda yon berishga tayyor. Eslatib o‘tamiz, "keksa sinyora" "aristokratlar"ga Romelu Lukaku va ma’lum qo‘shimcha haq evaziga o‘z hujumchisi Dushan Vlaxovichni bermoqchi.

Oldinroq "Yuventus" "Chelsi"dan qo‘shimcha 50 million yevro talab qilayotgani xabar qilingandi, biroq Tuttosport xabariga ko‘ra, "keksa sinyora" allaqachon bu talabni pasaytirishga tayyor. Manbaning ta’kidlashicha, hozirda "Yuventus" narxini 35 million yevroga tushirgan.

"Chelsi" rahbariyatini Vlaxovich hayratda qoldiradi, ammo bosh murabbiy Maurisio Pochettino jamoada serbni ko‘rishni istamaydi. Shunga qaramay, muzokaralar davom etmoqda.