Туриннинг "Ювентус" клуби Лондоннинг "Челси" жамоаси билан ҳужумчилар алмашинуви борасида музокараларда ён беришга тайёр. Эслатиб ўтамиз, "кекса синьора" "аристократлар"га Ромелу Лукаку ва маълум қўшимча ҳақ эвазига ўз ҳужумчиси Душан Влаховични бермоқчи.
Олдинроқ "Ювентус" "Челси"дан қўшимча 50 миллион евро талаб қилаётгани хабар қилинганди, бироқ Tuttosport хабарига кўра, "кекса синьора" аллақачон бу талабни пасайтиришга тайёр. Манбанинг таъкидлашича, ҳозирда "Ювентус" нархини 35 миллион еврога туширган.
"Челси" раҳбариятини Влахович ҳайратда қолдиради, аммо бош мураббий Маурисио Почеттино жамоада сербни кўришни истамайди. Шунга қарамай, музокаралар давом этмоқда.
