Shifokorlar “Arxentinos Xuniors” himoyachisi Luchano Sanchesning tizzasini sinishdan keyin tiklash bo‘yicha birinchi operasiyani o‘tkazishdi, deb xabar bermoqda Diario do Nordeste nashri.
Futbolchi 6 avgust, yakshanba kuni operasiya qilindi. Unga 20dan ortiq metall o‘rnatilgan. Futbolchining tiklanishi uchun 12 oydan 18 oygacha vaqt kerak bo‘ladi. Shu bilan birga, manbaning yozishicha, ayrim mutaxassislar argentinalik futbolchining futbolga qaytishi qiyin bo‘ladi, deb hisoblamoqda.
Sanches 2 avgust kuni Libertadores kubogi 1/8 finalining "Fluminense"ga qarshi birinchi o‘yinida (1:1) jarohat olgan edi. Braziliyalik himoyachi Marselo dribling paytida raqibining oyog‘ini sindirib qo‘ydi. "Real"ning sobiq futbolchisi o‘z harakati uchun to‘g‘ridan-to‘g‘ri qizil kartochka oldi va maydonni yig‘lab tark etdi. Uchrashuvdan so‘ng Marselo raqibidan uzr so‘radi va tezroq tuzalib ketishini tiladi.
