Premyer-liga "Chelsi"ning Roman Abramovich davridagi maxfiy ofshor kompaniyalarga to‘lagan to‘lovlarini tekshirmoqda.
Daily Mail nashrining xabar berishicha, klubning yangi xo‘jayinlari sotib olish jarayonida bir qancha tartibsiz bitimlarni aniqlagan va bu haqda Angliya futbol assosiasiyasi (FA), Premyer-liga va UYEFAni xabardor qilgan.
Abramovich qo‘l ostida sodir bo‘lgan qoida buzilishi mumkin bo‘lganiga qaramay, "Chelsi" Premyer-ligadan jarima va ochkolardan mahrum qilish shaklida qattiq jazo olishi mumkin.
Ishdan xabardor manbalarning aytishicha, oltiga yaqin offshor kompaniyalarga to‘lovlar aniqlangan. Taxminlarga ko‘ra, millionlab hisoblangan to‘lovlar FA, Premyer-liga va UYEFAga moliyaviy hisobotda ro‘yxatdan o‘tmagan futbolchilarning transferi bilan bog‘liq bo‘lgan.
Bundan tashqari, offshor kompaniyalarning bir qismi futbol agentlari va vositachilari bilan, ba’zilari esa Rossiya bilan aloqador bo‘lgan, ammo boshqa kompaniyalar ortida kim turganini aniqlashning imkoni bo‘lmagan.
Eslatib o‘tamiz, 2022 yilning bahorida rossiyalik tadbirkor Roman Abramovich "Chelsi"ni sotib yuborgan edi. Yangi egasi Todd Boeli boshchiligidagi konsorsiumga o‘tdi. "Chelsi"ning egalik guruhi 2022 yil 30 mayda klubni sotib olishni yakunladi.
