Премьер-лига "Челси"нинг Роман Абрамович давридаги махфий офшор компанияларга тўлаган тўловларини текширмоқда.
Daily Mail нашрининг хабар беришича, клубнинг янги хўжайинлари сотиб олиш жараёнида бир қанча тартибсиз битимларни аниқлаган ва бу ҳақда Англия футбол ассоциацияси (FA), Премьер-лига ва УЕФАни хабардор қилган.
Абрамович қўл остида содир бўлган қоида бузилиши мумкин бўлганига қарамай, "Челси" Премьер-лигадан жарима ва очколардан маҳрум қилиш шаклида қаттиқ жазо олиши мумкин.
Ишдан хабардор манбаларнинг айтишича, олтига яқин оффшор компанияларга тўловлар аниқланган. Тахминларга кўра, миллионлаб ҳисобланган тўловлар FA, Премьер-лига ва УЕФАга молиявий ҳисоботда рўйхатдан ўтмаган футболчиларнинг трансфери билан боғлиқ бўлган.
Бундан ташқари, оффшор компанияларнинг бир қисми футбол агентлари ва воситачилари билан, баъзилари эса Россия билан алоқадор бўлган, аммо бошқа компаниялар ортида ким турганини аниқлашнинг имкони бўлмаган.
Эслатиб ўтамиз, 2022 йилнинг баҳорида россиялик тадбиркор Роман Абрамович "Челси"ни сотиб юборган эди. Янги эгаси Тодд Боэли бошчилигидаги консорциумга ўтди. "Челси"нинг эгалик гуруҳи 2022 йил 30 майда клубни сотиб олишни якунлади.
