"Vest Xem" bosh murabbiyi Devid Moyes "Manchester Yunayted" markaziy himoyachisi Xarri Maguayrni jamoasida ko‘rmoqchi.

30 yoshli futbolchi “qizil iblislar” ustozining rejalariga to‘g‘ri kelmayapti, biroq klub tomonidan belgilangan narx hozircha angliyalik futbolchiga da’vogarlardan birortasini qoniqtirmagan. Maguayr bo‘yicha muzokaralar davom etmoqda, mish-mishlarga ko‘ra, "Vest Xem" Xarri uchun 35 million yevrodan ko‘p bo‘lmagan miqdorda pul to‘lashga tayyor. West Ham Central portali so‘zlariga ko‘ra, markaziy himoyachini transferga ishontirish uchun Moyes unga jamoada muhim rol va sardorlik bog‘ichini va’da qilgan.

Eslatib o‘tamiz, joriy mavsum oralig‘ida Xarri Maguayr "Manchester Yunayted" sardori maqomini yo‘qotgandi.