"Вест Хэм" бош мураббийи Дэвид Мойес "Манчестер Юнайтед" марказий ҳимоячиси Харри Магуайрни жамоасида кўрмоқчи.
30 ёшли футболчи “қизил иблислар” устозининг режаларига тўғри келмаяпти, бироқ клуб томонидан белгиланган нарх ҳозирча англиялик футболчига даъвогарлардан бирортасини қониқтирмаган. Магуайр бўйича музокаралар давом этмоқда, миш-мишларга кўра, "Вест Хэм" Харри учун 35 миллион евродан кўп бўлмаган миқдорда пул тўлашга тайёр. West Ham Central портали сўзларига кўра, марказий ҳимоячини трансферга ишонтириш учун Мойес унга жамоада муҳим роль ва сардорлик боғичини ваъда қилган.
Эслатиб ўтамиз, жорий мавсум оралиғида Харри Магуайр "Манчестер Юнайтед" сардори мақомини йўқотганди.
