Angliyaning “Brayton” klubi transfer oynasi boshida yaqinda Londonning “Chelsi” klubiga o‘tgan darvozabon Robert Sanchesni yuqori narxga baholagandi. Jurnalist Adrian Kayumbaning xabar berishicha, “chaykalar” avvaliga o‘z darvozaboni uchun 80 million yevrodan sal ko‘proq talab qilishgan.
Manbaning qo‘shimcha qilishicha, keyinchalik narx 50 million yevroga tushgan, ammo bu ham Robertni sotishga yordam bermagan. Natijada, "Chelsi" 23 million yevroga shartnoma imzoladi, shuningdek, 6 millionga yaqin bonuslarni belgiladi.
Sanches o‘tgan mavsumda bosh murabbiy Roberto de Dzerbi bilan janjallashib qolgandi. Shu sabab bo‘lsa kerak, "Brayton" ispaniyalik futbolchini chegirma bilan qo‘yib yuborishga rozi bo‘lgan.
