Англиянинг “Брайтон” клуби трансфер ойнаси бошида яқинда Лондоннинг “Челси” клубига ўтган дарвозабон Роберт Санчесни юқори нархга баҳолаганди. Журналист Адриан Каюмбанинг хабар беришича, “чайкалар” аввалига ўз дарвозабони учун 80 миллион евродан сал кўпроқ талаб қилишган.
Манбанинг қўшимча қилишича, кейинчалик нарх 50 миллион еврога тушган, аммо бу ҳам Робертни сотишга ёрдам бермаган. Натижада, "Челси" 23 миллион еврога шартнома имзолади, шунингдек, 6 миллионга яқин бонусларни белгилади.
Санчес ўтган мавсумда бош мураббий Роберто де Дзерби билан жанжаллашиб қолганди. Шу сабаб бўлса керак, "Брайтон" испаниялик футболчини чегирма билан қўйиб юборишга рози бўлган.
