«Yuventus» muxlislari klub hujumchi Romelu Lukakuni sotib olish rejasiga qarshi o‘z noroziliklarini bildirishdi. Bu haqda "La Gazzetta dello Sport" xabar tarqatdi.

Bir necha nafar ishqiboz seshanba kuni "Yuventus" uy stadioni yaqinida yig‘ilib, banner orqali o‘z e’tirozlarini bildirishdi. Ular ko‘tarib olgan bannerda "Lukaku, Milanda qol, bizda allaqachon zaxirada darvozaboni bor", deya yozilgandi.

Bu orqali ular "Manchester Siti"ga qarshi bo‘lib o‘tgan Chempionlar ligasi finalida Romelu duch kelgan vaziyatni nazarda tutishdi. Ya’ni, "Inter" futbolchisi Di Marko bosh bilan zarba bergan paytda to‘p Lukakuga tegishi oqibatida "Siti" goldan qutulib qolgandi.



Ma’lumot o‘rnida, "Yuventus" Romelu Lukakuni o‘z forvardi Dushan Vlaxovichga almashtirish variantini ham ko‘rib chiqmoqda.

Eslatib o‘tamiz, avvalroq "Inter" fanatlari ham belgiyalik futbolchining jamoada qolishiga nisbatan norozilik bildirishgandi. Chunki Romelu "Yuve" bilan yashirincha kelishuv olib borgan.