"Chelsi" yarim himoyachi Romeo Laviya bo‘yicha "Sautgempton"ga taklif bilan chiqdi.
Avvalroq, "Liverpul" 19 yoshli futbolchini o‘z safiga qo‘shib olishga uringan, ammo "avliyolar" futbolchini 52 million yevroga sotishdan bosh tortishgandi. Insayder Fabrisio Romanoning so‘zlariga ko‘ra, "Chelsi" Lavia uchun rasmiy taklif bilan chiqdi. Londonliklar belgiyalik futbolchi uchun 55 million yevrodan ko‘proq to‘lashga tayyor, “Sautgempton”ni bunday shartlar qoniqtiradimi yoki yo‘qmi, hozircha aniq emas.
Romeo Lavia "Sautgempton"ning chempionshipga tushib ketishi bilan yakunlangan Premyer-liganing o‘tgan mavsumida 29 o‘yinida bitta gol urdi.
