"Челси" ярим ҳимоячи Ромео Лавия бўйича "Саутгемптон"га таклиф билан чиқди.
Аввалроқ, "Ливерпуль" 19 ёшли футболчини ўз сафига қўшиб олишга уринган, аммо "авлиёлар" футболчини 52 миллион еврога сотишдан бош тортишганди. Инсайдер Фабрицио Романонинг сўзларига кўра, "Челси" Лавиа учун расмий таклиф билан чиқди. Лондонликлар бельгиялик футболчи учун 55 миллион евродан кўпроқ тўлашга тайёр, “Саутгемптон”ни бундай шартлар қониқтирадими ёки йўқми, ҳозирча аниқ эмас.
Ромео Лавиа "Саутгемптон"нинг чемпионшипга тушиб кетиши билан якунланган Премьер-лиганинг ўтган мавсумида 29 ўйинида битта гол урди.













