"Fulxem" va "Chelsi" rahbarlari "ko‘klar" hujumchisi Kallum Xadson-Odoi bilan shartnoma imzolash shartlarini kelishib oldilar.

Jurnalist Charli Gordonning yozishicha, tomonlar nihoyat vingerning transfer narxi borasida murosaga kelishgan. Qayd etilishicha, so‘nggi kunlarda futbolchining muhitida o‘tish shartlari borasida shubha paydo bo‘lgan, shu sababli kelishuv xavf ostida qolgan edi. Shunga qaramay, barcha tomonlar yaqin kelajakda o‘tish jarayoni rasmiylashtirilishiga ishonch bildirmoqda.

Eslatib o‘tamiz, Kallum "aristokratlar" tarbiyalanuvchisi bo‘lib, 2019 yildan beri londonliklar safida harakat qilib kelmoqda. Transfermarkt portali 22 yoshli vingerning narxini 15 million yevroga baholamoqda.