"Фулхэм" ва "Челси" раҳбарлари "кўклар" ҳужумчиси Каллум Хадсон-Одои билан шартнома имзолаш шартларини келишиб олдилар.

Журналист Чарли Гордоннинг ёзишича, томонлар ниҳоят вингернинг трансфер нархи борасида муросага келишган. Қайд этилишича, сўнгги кунларда футболчининг муҳитида ўтиш шартлари борасида шубҳа пайдо бўлган, шу сабабли келишув хавф остида қолган эди. Шунга қарамай, барча томонлар яқин келажакда ўтиш жараёни расмийлаштирилишига ишонч билдирмоқда.

Эслатиб ўтамиз, Каллум "аристократлар" тарбияланувчиси бўлиб, 2019 йилдан бери лондонликлар сафида ҳаракат қилиб келмоқда. Transfermarkt портали 22 ёшли вингернинг нархини 15 миллион еврога баҳоламоқда.