«Yunired» - «Dinamo» (1:1) o‘yinidan keyin «Yunayted Redbrij» klubi bosh murabbiy Alisher Latipov fikrlarini bildirdi.

- «Dinamo» jamoasi oldida Superliga vazifasi turgani sababli o‘yin qiyin o‘tishini bilardik. Shunga qaramay, bugun g‘alaba uchun maydonga tushgandik. Ikki tomonda ham gol kiritish uchun imkoniyatlar bo‘ldi. Fikrimcha, durang o‘yin uchun adolatli natija bo‘ldi.

Bu bahs derbi bo‘lgani bois aksariyat o‘yinchilarimiz ikki hissa motivasiya bilan to‘p surishdi. Qolaversa, jamoamizning aksariyat o‘yinchilari «Dinamo» tarbiyalanuvchilaridir. Shu bois ular sobiq klublariga qarshi o‘zlarini ko‘rsatishga intilgandir. Istalgan o‘yinchida shunaqa motivasiya bo‘ladi. Bir kishi kam bo‘lib ham oxirigacha o‘ynadik, yigitlarga rahmat. «Dinamo»ga omad, ular Superligaga chiqishsa biz xursand bo‘lamiz.

Chindanam futbolchimiz chetlatishga yarasha qo‘pollik qildi. Bu borada hech qanday e’tirozim yo‘q, - deydi «Yunired» bosh murabbiyi Alisher Latipov.