"Sevilya" o‘z darvozaboni Yasin Bununing transfer narxini oshirdi. Marokashlik posbon "Real Madrid" uchun Tibo Kurtua o‘rniga asosiy nomzod hisoblanadi.
ESPN nashri xabariga ko‘ra, Andalusiya klubi endi marokashlik darvozabon uchun 30 million yevro talab qilmoqda.
Eslatib o‘tamiz, avvalgi narx 20 million edi, biroq "Sevilya" yuqori talab tufayli narxni oshirishga qaror qildi. Ilgari Bunu "Bavariya" va Saudiya Arabistoni klublari ham nishonida edi.
Bunu avvalroq Marokash terma jamoasi bilan jahon chempionatining yarim finaliga chiqqan edi. Yasin “Sevilya” bilan Yevropa Ligasida ikkita g‘alabaga erishdi.
