"Toronto" vingeri Federiko Bernardeski "Beshiktosh" bilan muzokaralar olib bormoqda.

Avvalroq xabar qilinganidek, Italiyaga qaytish o‘rniga 29 yoshli futbolchi faoliyatini Turkiyada davom ettirishi mumkin. Jurnalist Nikolo Skiraning yozishicha, "Beshiktosh" Bernardeskiga 2027 yilgacha mo‘ljallangan shartnoma taklif qilgan. "Yuventus" va Italiya terma jamoasining sobiq futbolchisi allaqachon o‘tishga tayyorligini bildirgan. Tez orada klublar rasmiy muzokaralar olib borishadi.

Federiko Bernardeski yil davomida “Toronto” tarkibida 37 ta o‘yinda maydonga tushib, 11 ta gol va 5 ta golli uzatmaga mualliflik qilgan.