Frankfurtning «Ayntraxt» klubi hujumchisi Randal Kolo-Muani Fransiyaga qaytishga yaqin turibdi.

Nemis klubi uzoq vaqt davomida 24 yoshli futbolchini qo‘yib yuborishdan bosh tortdi va unga da’vogar klublardan 100 million yevro so‘radi, biroq u «PSJ» va Yevropa futbolining boshqa gigantlari qiziqishi ostida ketish niyatida ekanligini ma’lum qildi.

Jurnalist Patrik Bergerning so‘zlariga ko‘ra, «PSJ» hujumchi sotib olish bo‘yicha ish bilan faol shug‘ullangan va «Ayntraxt» o‘z yetakchisining ketishi muqarrarligi sababli fransiyalik futbolchiga o‘rinbosar qidirmoqda.

Randal Kolo-Muani Frankfurtning «Ayntraxt» klubi safida 46 ta o‘yinda maydonga tushib, 23 ta gol urdi va 17 ta golli uzatmani amalga oshirdi. Avvalroq futbolchi «Nant»da o‘ynagan.