«PSJ» darvozaboni Keylor Navas maqbul takliflar tushsa, sotiladi.
Parij klubi rahbariyati 36 yoshli futbolchi klubni tark etishini xohlaydi. L'Equipe xabariga ko‘ra, «PSJ» kosta-rikalik futbolchini qo‘lga kiritish istagida bo‘lganlarga yon bermaydi - unga tegishli taklif tushsagina ketishiga ruxsat beriladi.
Joriy transfer oynasi davomida Liga 1 grandi allaqachon tajribali darvozabonni ijaraga olishga umid qilgan «Inter» taklifini rad etgan.
Keylor Navas 2019 yildan beri «PSJ»da o‘ynaydi. O‘tgan mavsumning ikkinchi yarmida u Angliyaning «Nottingem Forest» jamoasida ijara asosida harakat qildi.