«ПСЖ» дарвозабони Кейлор Навас мақбул таклифлар тушса, сотилади.
Париж клуби раҳбарияти 36 ёшли футболчи клубни тарк этишини хоҳлайди. L'Equipe хабарига кўра, «ПСЖ» коста-рикалик футболчини қўлга киритиш истагида бўлганларга ён бермайди - унга тегишли таклиф тушсагина кетишига рухсат берилади.
Жорий трансфер ойнаси давомида Лига 1 гранди аллақачон тажрибали дарвозабонни ижарага олишга умид қилган «Интер» таклифини рад этган.
Кейлор Навас 2019 йилдан бери «ПСЖ»да ўйнайди. Ўтган мавсумнинг иккинчи ярмида у Англиянинг «Ноттингем Форест» жамоасида ижара асосида ҳаракат қилди.
