«Manchester Yunayted» yarim himoyachisi Kristian Eriksen jamoasining kelasi mavsumdagi maqsadlari haqida gapirdi.
Eslatib o‘tamiz, so‘nggi mavsumda «Tottenxem»ning sobiq futbolchisi «qizil iblislar» bilan Liga kubogini qo‘lga kiritgandi.
«O‘tgan mavsumda biz uchinchi o‘rinni egalladik, ammo keyingi mavsumda biz yuqoriroq bo‘lishni xohlaymiz.
Sovrinlarni qo‘lga kiritishni istaymiz va raqobatbardosh bo‘lish uchun hamma narsaga tayyormiz», - deya Eriksenning so‘zlarini keltiradi «Manchester Yunayted» rasmiy sayti.
Erik ten Xag jamoasidagi debyut mavsumida Kristian 1 gol va 8 ta golli uzatmani amalga oshirdi.
