"Barselona" agar Joau Kanseluni o‘z safiga jalb qilsa, Bernardu Silvani sotib olishga umid qila olmaydi.

Kataloniya klubi portugaliyalik himoyachini "Manchester Siti"dan sotib olish imkoniyati bilan ijaraga olganini e’lon qilmoqchi. Jurnalist Xavi Migelning so‘zlariga ko‘ra, "Barselona" bu bilan Bernardu Silvaning kelishidan umidini yo‘qotadi, chunki "shaharliklar" "ko‘k-anorranglilar"ga bir transfer oynasida birdaniga uchta futbolchisini berib yuborishga yo‘l qo‘ymaydi.

Eslatib o‘tamiz, iyul oyi boshida sobiq "shaharliklar" sardori Ilkay Gyundogan o‘tgan mavsum oxirida erkin agent maqomini olgan Manchesterdan "Barselona"ga ko‘chib o‘tgandi.