Pro liganing 12-turi doirasida bo‘lib o‘tgan «Dinamo» - «Mash’al» (2:0) uchrashuvidan keyin Vadim Abramov o‘yin borasidagi fikrlari bilan o‘rtoqlashdi.

— Bugun osonlikcha yutmadik. O‘yin davomida turli bosimlarga duch keldik. Birinchi bo‘limda gol urdik, biroq bo‘lim davomida raqiblar bizga qattiq qarshilik ko‘rsatishdi. «Mash’al»ning uslubi shunaqa, kurashuvchan jamoa. Og‘ir o‘tgan o‘yinda muhim g‘alabani qo‘lga kiritdik.

— Jamoa namoyish etgan o‘yindan qoniqdingizmi?
— Natija bo‘yicha qoniqdim. Biroq, o‘yin borasida diqqat e’tiborni yo‘qotib qo‘ygan vaqtlarimiz ham bo‘ldi. Bugun «Mash’al» bizga kuchli qarshilik ko‘rsatdi. Xulosa olish uchun yetarli darajada vaziyatlarga boy bo‘lgan o‘yin.

— 4 kundan keyin «Navbahor-farm» bilan o‘yin bor, tarkibda rotasiya kuzatilishi mumkinmi?
— Ha. Har qanday xolatga tayyor bo‘lishimiz zarur. Ketma-ket o‘yinlar o‘tkazayapmiz.

— Erkin Boydullayevning tarkibda yo‘qligi nima bilan bog‘liq?
— Boydullayev jarohat olgan. Bundan oldingi o‘yinda eski jarohati qaytalanib qoldi. Shu bois u tarkibda yo‘q edi.