36 yoshli himoyachi Leonardo Bonuchchi joriy transfer oynasida Turinning "Yuventus" klubini tark etishga yaqin turibdi. Jurnalist Nikolo Skiraning yozishicha, tajribali futbolchi Italiya chempionatida qolishni istamoqda.
Bonuchchi faoliyatini "Fiorentina"da davom ettirishi mumkin, futbolchi Florensiya klubi rahbariyati bilan yaxshi munosabatda. Shu bilan birga, "binafsharanglilar" markaziy himoyachi o‘rniga yoshroq futbolchini olishni afzal ko‘rishadi.
Avvalroq matbuotda Leonardoning transferiga "Union Berlin" qiziqayotgani haqida xabar berilgandi.
2022/2023 yilgi mavsumda himoyachi “keksa sinyora” safida 26 ta o‘yin o‘tkazib, 2 ta gol urgan.