36 ёшли ҳимоячи Леонардо Бонуччи жорий трансфер ойнасида Туриннинг "Ювентус" клубини тарк этишга яқин турибди. Журналист Николо Скиранинг ёзишича, тажрибали футболчи Италия чемпионатида қолишни истамоқда.
Бонуччи фаолиятини "Фиорентина"да давом эттириши мумкин, футболчи Флоренция клуби раҳбарияти билан яхши муносабатда. Шу билан бирга, "бинафшаранглилар" марказий ҳимоячи ўрнига ёшроқ футболчини олишни афзал кўришади.
Аввалроқ матбуотда Леонардонинг трансферига "Унион Берлин" қизиқаётгани ҳақида хабар берилганди.
2022/2023 йилги мавсумда ҳимоячи “кекса синьора” сафида 26 та ўйин ўтказиб, 2 та гол урган.
