Франция терма жамоаси ва Лондоннинг «Арсенал» клуби собиқ ярим ҳимоячиси Патрик Виейра «канонирлар» ва «Манчестер Сити» ўртасидаги ўйин якунлангач, ўз фикрларини билдирди.
АПЛнинг 33-туридан ўрин олган ушбу баҳс Пеп Гвардиола шогирдларининг 2:1 ҳисобидаги ғалабаси билан якунланди.
«Арсенал»дан жуда қаттиқ хафа бўлдим, чунки улар худди рақиб кутгандек ўйин кўрсатишди», — деди Виейра Sky Sports эфирида. Шунингдек, эксперт «Манчестер Сити» муҳим ўйинларга кўпроқ кўниккан жамоа сифатида ҳаракат қилганини таъкидлади.
"Сити" футболчилари бу вазиятни анча яхши уддалашди. Жамоа иккинчи бўлимни ҳам ишончли бошлади. Эзенинг зарбаси дарвоза устунига текканида рақибда ташаббус пайдо бўлгандек эди, бироқ Холанднинг голи ўйин оқимини бутунлай ўзгартириб юборди».
Айни дамда «Арсенал» 33 ўйиндан сўнг 70 очко билан пешқадамлик қилмоқда. Иккинчи ўриндаги «Манчестер Сити» эса 32 ўйинда 67 очко жамғарган.
