Saudiyaning “Al-Ahli” klubi “Napoli” bilan yarim himoyachi Piotr Zelinski transferi borasida kelishuvga erishdi. Bu haqda jurnalist Nikolo Skira o‘zining “Twitter”ida ma’lum qildi.
Manbaga ko‘ra, Saudiya Arabistoni klubi Zelinski uchun 32 million yevro to‘laydi. Ma’lum qilinishicha, futbolchi 2026 yilgacha shartnoma imzolaydi, unga ko‘ra u 15 million yevro oladi.
Zelinski o‘tgan mavsumda "Napoli" safida barcha turnirlar doirasida 48 ta o‘yinda maydonga tushib, 7 ta gol va 10 ta golli uzatmaga mualliflik qilgan.