Саудиянинг “Ал-Аҳли” клуби “Наполи” билан ярим ҳимоячи Пиотр Зелиньски трансфери борасида келишувга эришди. Бу ҳақда журналист Николо Скира ўзининг “Twitter”ида маълум қилди.
Манбага кўра, Саудия Арабистони клуби Зелиньски учун 32 миллион евро тўлайди. Маълум қилинишича, футболчи 2026 йилгача шартнома имзолайди, унга кўра у 15 миллион евро олади.
Зелиньски ўтган мавсумда "Наполи" сафида барча турнирлар доирасида 48 та ўйинда майдонга тушиб, 7 та гол ва 10 та голли узатмага муаллифлик қилган.