"Bavariya" David De Xeani taklif qilish variantini ko‘rib chiqmoqda.
Myunxen klubi kamida yana 8-10 haftani o‘tkazib yuboradigan Manuel Noyerning jarohati munosabati bilan yangi darvozabon qidirmoqda.
Sport1 xabariga ko‘ra, Germaniya chempioni allaqachon "Manchester Yunayted"ning sobiq darvozaboni bilan muzokara o‘tkazgan.
Ispaniyalik futbolchi o‘tgan oy ingliz jamoasini tark etdi va erkin agentga aylandi.
De Xeaning katta maosh talab qilishi uning "Bavariya"ga o‘tishiga to‘sqinlik qilishi mumkin.
Iyul oyi oxirida myunxenliklar De Xeani taklif qilish variantini ko‘rib chiqmayotgani xabar qilingandi.
O‘shandan beri klubning pozisiyasi o‘zgardi. Bunga Kepa Arrisabalaga va Xeronimo Rulining transferlari muvaffaqiyatsiz bo‘lgani sabab bo‘lsa kerak.
Ispaniyalik futbolchi "Chelsi"dan "Real"ga ijara asosida o‘tdi va "Ayaks"ning argentinalik darvozaboni yelkasidan jarohat olib, qishgacha safdan chiqdi.