"Milan" Yugo Ekitike yoki Armando Broya bilan shartnoma imzolashi mumkin.
La Gazette Dello Sport nashri xabariga ko‘ra, agar hujumchi Lorenso Kolombo jamoani tark etsa ("Jenoa" va "Kalyari" unga qiziqish bildirmoqda), "rossonerilar" Olivye Jiruning o‘rnini egallashga tayyor futbolchi qidiradi.
"PSJ" Ekitike bilan xayrlashishga tayyor, biroq u uchun kamida 20 million yevro talab qiladi - "Milan" bunchalik ko‘p pul to‘lashni rejalashtirmayapti. Klub hujumchini ijaraga beradimi yoki yo‘qmi hozircha noma’lum.
Broya bilan shartnoma imzolash ehtimoli ko‘proq, chunki "Chelsi" uni vaqtincha qo‘yib yuborishga tayyor. 21 yoshli albaniyalik futbolchi tizzasidan olgan jarohati sabab o‘tgan mavsumning ikkinchi yarmini o‘tkazib yubordi.