"Милан" Юго Экитике ёки Армандо Броя билан шартнома имзолаши мумкин.
La Gazette Dello Sport нашри хабарига кўра, агар ҳужумчи Лоренцо Коломбо жамоани тарк этса ("Женоа" ва "Кальяри" унга қизиқиш билдирмоқда), "россонерилар" Оливье Жирунинг ўрнини эгаллашга тайёр футболчи қидиради.
"ПСЖ" Экитике билан хайрлашишга тайёр, бироқ у учун камида 20 миллион евро талаб қилади - "Милан" бунчалик кўп пул тўлашни режалаштирмаяпти. Клуб ҳужумчини ижарага берадими ёки йўқми ҳозирча номаълум.
Броя билан шартнома имзолаш эҳтимоли кўпроқ, чунки "Челси" уни вақтинча қўйиб юборишга тайёр. 21 ёшли албаниялик футболчи тиззасидан олган жароҳати сабаб ўтган мавсумнинг иккинчи ярмини ўтказиб юборди.