Osiyo Chempionlar ligasi dastlabki saralash bosqichi doirasida Olmaliqning OKMK jamoasi o‘z maydonida Ummonning "As-Siyb" jamoasini qabul qildi.
Bahsda vakillarimiz minimal 1:0 hisobda g‘alaba qozondi. Yagona gol 47-daqiqada Hurshid G‘iyosov tomonidan kiritildi. Burchakdan uzatilgan to‘p darvozabon urib yuborganidan so‘ng Hurshidga borib tushdi, vakilimiz so‘nggi zarbada adashmadi va muhim g‘alabaga sababchi bo‘ldi.
73-daqiqada "konchilar" safida Martin Boakye maydondan chetlatildi.
Pley-offning hal qiluvchi bahsida OKMK Qatarda "Al-Arabi" bilan o‘ynaydi.
OCHL, dastlabki saralash bosqichi
15.08.2023, 20:00
OKMK (O‘zbekiston) – «As-Sib» (O‘mon) – 1:0
Gol: 47 - Hurshid G‘iyosov (1:0)
Chetlatish: 73 - Martin Boakye
OKMK: 1.Botirali Ergashev, 3.Sardor Rahmonov, 5.Anzur Ismoilov, 7.Dilshod Ahmadaliyev, 8.Abdulla Abdullayev, 9.Ruben Sanches, 10.Xurshid G‘iyosov, 17.Sanjar Tursunov (s), 22.SHohruh Gadoyev, 27.Martin BoakYE, 88.Siyavash Xaqnazariy
"As-Siyb": 1.Ahmad Faraj, 6.Ahmad Al Xamisi, 7.Zoxir Sulaymon, 9.Abdul Aziz Humaid, 13.Muhammad Al Musalami, 18.Muhsin Solih, 17.Ali Sulaymon, 22.Hassan Ahmad, 24.Tamim Xaytam, 27.Aid Muhammad Al Farsi, 90.YAzid Salim.
