Осиё Чемпионлар лигаси дастлабки саралаш босқичи доирасида Олмалиқнинг ОКМК жамоаси ўз майдонида Уммоннинг "Ас-Сийб" жамоасини қабул қилди.

Баҳсда вакилларимиз минимал 1:0 ҳисобда ғалаба қозонди. Ягона гол 47-дақиқада Ҳуршид Ғиёсов томонидан киритилди. Бурчакдан узатилган тўп дарвозабон уриб юборганидан сўнг Ҳуршидга бориб тушди, вакилимиз сўнгги зарбада адашмади ва муҳим ғалабага сабабчи бўлди.

73-дақиқада "кончилар" сафида Мартин Боакье майдондан четлатилди.

Плей-оффнинг ҳал қилувчи баҳсида ОКМК Қатарда "Ал-Араби" билан ўйнайди.

ОЧЛ, дастлабки саралаш босқичи
15.08.2023, 20:00

ОКМК (Ўзбекистон) – «Ас-Сиб» (Ўмон) – 1:0
Гол: 47 - Ҳуршид Ғиёсов (1:0)
Четлатиш: 73 - Мартин Боакье

ОКМК: 1.Ботирали Эргашев, 3.Сардор Раҳмонов, 5.Анзур Исмоилов, 7.Дилшод Аҳмадалиев, 8.Абдулла Абдуллаев, 9.Рубен Санчес, 10.Хуршид Ғиёсов, 17.Санжар Турсунов (с), 22.Шоҳруҳ Гадоев, 27.Мартин Боакье, 88.Сияваш Хақназарий

"Ас-Сийб": 1.Аҳмад Фараж, 6.Аҳмад Ал Хамиси, 7.Зохир Сулаймон, 9.Абдул Азиз Ҳумаид, 13.Муҳаммад Ал Мусалами, 18.Муҳсин Солиҳ, 17.Али Сулаймон, 22.Ҳассан Аҳмад, 24.Тамим Хайтам, 27.Аид Муҳаммад Ал Фарси, 90.Язид Салим.