«Manchester Yunayted» o‘zining rasmiy saytida hujumchi Meyson Grinvud bilan bog‘liq vaziyat yuzasidan bayonot berdi.
Unda klub 21 yoshli futbolchining taqdiri bo‘yicha ichki tekshiruv yakunlangan bo‘lsada, hozircha qaror qabul qilinmagani aytiladi.
Ayni paytda klubda qizg‘in muhokamalar olib borilmoqda. «Qizil iblislar» jamoatchilikni sabrli bo‘lishga chaqirmoqda.
Eslatib o‘tamiz, 2022 yil boshida Grinvud zo‘rlashda ayblangan, shu sababli u jamoadan chetlatilgan edi.
Bir yil o‘tgach, ayblovlar olib tashlandi, ammo «Manchester Yunayted» futbolchini jamoaga qaytarmadi, lekin o‘zining ichki tekshiruvini boshladi.
