«Манчестер Юнайтед» ўзининг расмий сайтида ҳужумчи Мэйсон Гринвуд билан боғлиқ вазият юзасидан баёнот берди.
Унда клуб 21 ёшли футболчининг тақдири бўйича ички текширув якунланган бўлсада, ҳозирча қарор қабул қилинмагани айтилади.
Айни пайтда клубда қизғин муҳокамалар олиб борилмоқда. «Қизил иблислар» жамоатчиликни сабрли бўлишга чақирмоқда.
Эслатиб ўтамиз, 2022 йил бошида Гринвуд зўрлашда айбланган, шу сабабли у жамоадан четлатилган эди.
Бир йил ўтгач, айбловлар олиб ташланди, аммо «Манчестер Юнайтед» футболчини жамоага қайтармади, лекин ўзининг ички текширувини бошлади.
