Saudiya Arabistoni chempionati g‘olibi Chempionlar ligasi - 2024/25 yilgi mavsumida ishtirok etishi mumkin.
Corriere dello Sport nashri xabariga ko‘ra, Saudiya Arabistoni hozirda navbatdagi Chempionlar ligasida ishtirok etish imkoniyatini baholamoqda. Manbaga ko‘ra, turnirga yo‘llanmani Saudiya Arabistoni chempionatining joriy mavsumi yakunida oltin medallarni qo‘lga kiritgan klub olishi mumkin.
Eslatib o‘tamiz, 2024/25 yilgi Chempionlar ligasi Shveysariya tizimini o‘z ichiga olgan yangi formatda o‘tkaziladi. Turnir endi guruhlarga bo‘linmaydi, ishtirokchilar soni 32 tadan 36 taga ko‘payadi.
Bo‘lajak Chempionlar ligasining guruh bosqichi starti 19 sentyabrga belgilangan.
