Саудия Арабистони чемпионати ғолиби Чемпионлар лигаси - 2024/25 йилги мавсумида иштирок этиши мумкин.
Corriere dello Sport нашри хабарига кўра, Саудия Арабистони ҳозирда навбатдаги Чемпионлар лигасида иштирок этиш имкониятини баҳоламоқда. Манбага кўра, турнирга йўлланмани Саудия Арабистони чемпионатининг жорий мавсуми якунида олтин медалларни қўлга киритган клуб олиши мумкин.
Эслатиб ўтамиз, 2024/25 йилги Чемпионлар лигаси Швейцария тизимини ўз ичига олган янги форматда ўтказилади. Турнир энди гуруҳларга бўлинмайди, иштирокчилар сони 32 тадан 36 тага кўпаяди.
Бўлажак Чемпионлар лигасининг гуруҳ босқичи старти 19 сентябрга белгиланган.
