«Kristal Pelas» o‘z saytida hujumkor yarim himoyachi Maykl Olise yangi shartnoma imzolaganini e’lon qildi. 21 yoshli futbolchi to‘rt mavsumga mo‘ljallangan mehnat shartnomasini imzoladi.

Ilgari, ijtimoiy tarmoqlarda Olise bilan mehnat shartnomasi uzaytirilgani haqida «Kristal Pelas» rahbari Stiv Perish xabar bergan edi.

Ma’lumki, mish-mishlar Maykl Oliseni «Chelsi» bilan faol bog‘lagan.

Futbolchi 38 million yevroga baholanmoqda. U «Kristal Pelas» safida 71 ta o‘yin o‘tkazib, 6 ta gol urgan va 19 ta golli uzatmani sheriklariga bergan.