«Кристал Пэлас» ўз сайтида ҳужумкор ярим ҳимоячи Майкл Олисе янги шартнома имзолаганини эълон қилди. 21 ёшли футболчи тўрт мавсумга мўлжалланган меҳнат шартномасини имзолади.
Илгари, ижтимоий тармоқларда Олисе билан меҳнат шартномаси узайтирилгани ҳақида «Кристал Пэлас» раҳбари Стив Пэриш хабар берган эди.
Маълумки, миш-мишлар Майкл Олисени «Челси» билан фаол боғлаган.
Футболчи 38 миллион еврога баҳоланмоқда. У «Кристал Пэлас» сафида 71 та ўйин ўтказиб, 6 та гол урган ва 19 та голли узатмани шерикларига берган.
