Yarim himoyachi Arsen Zaxaryan tez orada «Dinamo»ni «Real Sosyedad»ga almashtiradi.
«Mutko protiv» telegram kanali xabariga ko‘ra, 20 yoshli Zaxaryan ispan klubida yiliga 1,4 million yevro maosh oladi. Qayd etilishicha, «Real Sosyedad» futbolchini turar joy va haydovchi bilan ta’minlaydi.
Agent Pavel Andreev bundan 2 million yevro ulush oladi. Zaxaryanning vakili 3 million yevro, ya’ni transfer summasining chorak qismini ishlab olmoqchi edi, biroq tomonlar kichikroq summaga kelishib oldilar va bu hammaga ma’qul bo‘ldi.
Eslatib o‘tamiz, Arsen Zaxaryan «Dinamo» akademiyasi bitiruvchisi hisoblanadi.
