Ярим ҳимоячи Арсен Захарян тез орада «Динамо»ни «Реал Сосьедад»га алмаштиради.

«Мутко против» телеграм канали хабарига кўра, 20 ёшли Захарян испан клубида йилига 1,4 миллион евро маош олади. Қайд этилишича, «Реал Сосьедад» футболчини турар жой ва ҳайдовчи билан таъминлайди.

Агент Павел Андреев бундан 2 миллион евро улуш олади. Захаряннинг вакили 3 миллион евро, яъни трансфер суммасининг чорак қисмини ишлаб олмоқчи эди, бироқ томонлар кичикроқ суммага келишиб олдилар ва бу ҳаммага маъқул бўлди.

Эслатиб ўтамиз, Арсен Захарян «Динамо» академияси битирувчиси ҳисобланади.