2007 yilning yozida Anri o‘zining Angliyadagi shonli davriga yakun yasab, 16.1 million funt evaziga "Barselona"ga yo‘l oladi. Fransiyalik afsona to‘pchilarning tarixdagi eng yaxshi to‘purariga aylanadi. U Pep Gvardiolaning fantasik jamoasida yana bir bor porlaydi. 2009 yilda "Barselona" rekord darajada, 6 ta sovrin bilan yakunlagandi. U Kataloniyada jami 49 ta gol urib, 2010 yilda MLS'ga ketadi. Demak, Anrining "Barsa"dagi davri ajoyib kechgan. Ammo u bilan birga o‘sha yili sotib olingan futbolchilarnikichi? Quyida shu savolga javob olasiz.

Yaya Ture

Ture "Monako"dan xarid qilinadi va Anri singari "Barsa" bilan 3 mavsum birga bo‘ladi. Asli yarim himoyachi bo‘lgan Yayadan Gvardiola asosan o‘zgaruvchan markaziy himoyachi sifatida foydalanadi. Aynan shu narsa, 2009 yilda "Barsa"ga YECHL sovrinini keltirgan edi. Afsuski, u va Gvardiolaning orasiga sovuqchilik tushadi. Shu sabab u jamoadan ketgan.

Erik Abidal

Abidal Anrining Fransiya terma jamoasidagi do‘sti edi. U "Lion"dan xarid qilinadi. Erik "Barselona" bilan olti mavsum davomida ikkita YECHL sovrini va 4 ta La-liga chempionligiga erishgan. 2011 yilning martida Abidalda jigar saratoni aniqlanadi. Shu sabab u jarrohlik amaliyotini boshidan kechirgan. Oradan bir yil o‘tib, unga yangi jigar ko‘chiriladi. Xullas, u ikkita operasiyadan keyin ham maydonga qayta olgan mardonavor futbolchi edi. Abidal futbolchilikni tugatganidan keyin ham bir muddat "Kamp Nou"da sport direktori sifatida ishlagan.

Gabriel Milito

Milito "Real Saragosa"dan xarid qilingan. U "Barselona" libosini kiygan tarixdagi yigirmanchi argentinalikka aylangandi. 2008 yilgi "Manchester Yunayted"ga qarshi bahsda futbolchi tizzasidagi xochsimon paylarini uzib oladi. Shundan keyin uning maydonga qaytishi uzoq vaqt talab qildi. Qaytganida ham zaxira futbolchisiga aylanib qoldi. Shunaga qaramay, Milito 4 yil davomida "Barselona" bilan jami 10 ta sovrin qo‘lga kiritadi.

ISMATOV J.