2007 йилнинг ёзида Анри ўзининг Англиядаги шонли даврига якун ясаб, 16.1 миллион фунт эвазига "Барселона"га йўл олади. Франциялик афсона тўпчиларнинг тарихдаги энг яхши тўпурарига айланади. У Пеп Гвардиоланинг фантасик жамоасида яна бир бор порлайди. 2009 йилда "Барселона" рекорд даражада, 6 та соврин билан якунлаганди. У Каталонияда жами 49 та гол уриб, 2010 йилда MLS'га кетади. Демак, Анрининг "Барса"даги даври ажойиб кечган. Аммо у билан бирга ўша йили сотиб олинган футболчиларникичи? Қуйида шу саволга жавоб оласиз.
Яя Туре
Туре "Монако"дан харид қилинади ва Анри сингари "Барса" билан 3 мавсум бирга бўлади. Асли ярим ҳимоячи бўлган Яядан Гвардиола асосан ўзгарувчан марказий ҳимоячи сифатида фойдаланади. Айнан шу нарса, 2009 йилда "Барса"га ЕЧЛ совринини келтирган эди. Афсуски, у ва Гвардиоланинг орасига совуқчилик тушади. Шу сабаб у жамоадан кетган.
Эрик Абидал
Абидал Анрининг Франция терма жамоасидаги дўсти эди. У "Лион"дан харид қилинади. Эрик "Барселона" билан олти мавсум давомида иккита ЕЧЛ соврини ва 4 та Ла-лига чемпионлигига эришган. 2011 йилнинг мартида Абидалда жигар саратони аниқланади. Шу сабаб у жарроҳлик амалиётини бошидан кечирган. Орадан бир йил ўтиб, унга янги жигар кўчирилади. Хуллас, у иккита операциядан кейин ҳам майдонга қайта олган мардонавор футболчи эди. Абидал футболчиликни тугатганидан кейин ҳам бир муддат "Камп Ноу"да спорт директори сифатида ишлаган.
Габриэль Милито
Милито "Реал Сарагоса"дан харид қилинган. У "Барселона" либосини кийган тарихдаги йигирманчи аргентиналикка айланганди. 2008 йилги "Манчестер Юнайтед"га қарши баҳсда футболчи тиззасидаги хочсимон пайларини узиб олади. Шундан кейин унинг майдонга қайтиши узоқ вақт талаб қилди. Қайтганида ҳам захира футболчисига айланиб қолди. Шунага қарамай, Милито 4 йил давомида "Барселона" билан жами 10 та соврин қўлга киритади.
ИСМАТОВ Ж.
