«Chelsi»ning yangi darvozaboni o‘zining raqamini o‘zgartirishga qaror qildi.

London klubi matbuot xizmati ispaniyalik futbolchining «Chelsi»da 1-raqam ostida o‘ynashini ma’lum qildi.

25 yoshli Sanches shu yozda «Brayton»dan «ko‘klar» safiga o‘tgan edi. Transferdan so‘ng darhol darvozabon 31-raqamli futbolkani tanladi, ammo Kepa Arrisabalaga «Real Madrid»ga ketganidan keyin Sanches hamkasbining raqamini olishga qaror qildi.

Angliya premyer-ligasining 1-turida «Chelsi» «Liverpul» bilan 1:1 hisobida durang o‘ynadi. «Ko‘klar» 20 avgust kuni «Vest Xem»ga qarshi bahs olib boradi.