«Челси»нинг янги дарвозабони ўзининг рақамини ўзгартиришга қарор қилди.
Лондон клуби матбуот хизмати испаниялик футболчининг «Челси»да 1-рақам остида ўйнашини маълум қилди.
25 ёшли Санчес шу ёзда «Брайтон»дан «кўклар» сафига ўтган эди. Трансфердан сўнг дарҳол дарвозабон 31-рақамли футболкани танлади, аммо Кепа Аррисабалага «Реал Мадрид»га кетганидан кейин Санчес ҳамкасбининг рақамини олишга қарор қилди.
Англия премьер-лигасининг 1-турида «Челси» «Ливерпуль» билан 1:1 ҳисобида дуранг ўйнади. «Кўклар» 20 август куни «Вест Хэм»га қарши баҳс олиб боради.
