«Манчестер Юнайтед»нинг миноритар хўжайини Джим Рэтклифф, манбаларнинг хабарига кўра, 25 ёшли уругвайлик ярим ҳимоячи Мануэль Угартени сотиб юборишни талаб қилмоқда. Қайд этилишича, футболчининг тақдири борасидаги бу қарор «МЮ»нинг ўз майдонида «Лидс»га мағлуб бўлган (1:2) ўйинидан сўнг қабул қилинган.
Рэтклифф ушбу учрашувда Угартенинг ўйинидан шу қадар ҳафсаласи пир бўлганки, энди у футболчидан тезроқ қутулишни талаб қилмоқда. Ваҳоланки, уругвайлик футболчи атиги икки мавсум аввал «ПСЖ»дан 51 миллион фунт эвазига сотиб олинган эди.
Жорий мавсумда Угарте клуб сафида 24 та ўйинда майдонга тушди. Уругвайлик ярим ҳимоячи бирорта ҳам самарали ҳаракатни амалга ошира олмади.
